កុំឲ្យមានការងឿងឆ្ងល់ច្រើន…! រឿងសមត្ថកិច្ចស្លៀកពាក់ស៊ីវិលជាច្រើននាក់ គ្មានភស្តុតាង គ្មានដីកាពីតុលាការ ចុះមកចាប់និងវាយខ្នោះគេដល់ក្នុងផ្ទះ ពេលនេះសមត្ថកិច្ចខេត្តរតនគិរី ចេញសេចក្តីបំភ្លឺហើយ ការពិតចឹងសោះ…

0
1003

រតនគិរី៖ រឿងរ៉ាវដ៏កក្រើកពេញហ៊្វេកបុកក្រោយពីបែកធ្លាយវិដេអូក្រុមប៉ូលិស បកែវធ្វើស៊ី ដោយយោងតាមប្រភពព័ត៌មានពីគណនីហ៊្វេកបុកឈ្មោះថា ស៊ីណា បានបង្ហោះថា «សូមបងប្អូនប្រយ័ត្ន នេះជាក្រុមប៉ូលិស បកែវ ធ្វើស៊ីក្រៅក្របខណ្ឌ គ្មានសាដិកា គ្មានភស្ដុតាងចុះចាប់ជាពលរដ្ឋដល់ក្នុងផ្ទះនៅខេត្តរតនគិរី សូម

បងប្អូនជួយស៊ែរអោយដល់មន្ត្រីធំៗអោយលោកជួយមើលផង» រហូតធ្វើឲ្យមហាជនមានការShare ចែករំលែកជាច្រើនផងដែរ ។ ដោយឡែកមិនទុកយូរ ស្នងការដ្ឋាននគរបាលខេត្តរតនគិរី បានធ្វើការបំភ្លឺចំពោះ

មហាជន ដែល Account facebook ឈ្មោះ ស៊ីណា បានរិះគន់សមត្ថកិច្ច នគរបាលស្រុកបរកែវ ក្នុងប្រតិបត្តិការបង្ក្រាបគ្រឿងញៀន។ ដោយសូមបំភ្លឺថា៖ សូមជម្រាបថាកាលពីថ្ងៃទី១២ ខែឧសភា ឆ្នាំ២០១៩ វេលាម៉ោងប្រមាណ១ និង៥០ នាទី កម្លាំងអធិការដ្ឋាននគរបាល

ស្រុកបរកែវ បានចុះបង្ក្រាបគ្រឿងញៀន ឃាត់ខ្លួនជនសង្ស័យបានចំនួន ២នាក់ រួមជាមួយវត្ថុតាងមានថ្នាំញៀន៧ថង់ (២ថង់ធំ និង៥ថង់តូច)។ នៅចំពោះមុខសមត្ថកិច្ច ជនសង្ស័យទាំង២នាក់ បានសារភាពថា ថ្នាំញៀនទាំងនេះ ពួកគេបានទិញពីឈ្មោះ អុំ ស៊ីណា រស់នៅភូមិបរញ៉ុក ឃុំសាមគ្គី ស្រុកអូរជុំ ខេត្តរតនគិរី ។

បន្ទាប់មកសមត្ថកិច្ច បានរាយការណ៍ សុំគោលការ និង សុំការអនុញ្ញាតពីព្រះរាជអាជ្ញា ដើម្បីបន្តប្រតិបត្តិការបង្ក្រាប ដោយ ក្រោយទទួលបានការអនុញ្ញាតភ្លាម កម្លាំងអធិការដ្ឋានស្រុកបរកែវ បាននាំជនសង្ស័យទាំង២ នាក់ ទៅចង្អុលបង្ហាញអ្នកដែលបានផ្ដល់ថ្នាំញៀន ឲ្យ

ពួកគេយកមកចែកចាយបន្ត ពេលទៅដល់កម្លាំងនគរបាល បានធ្វើការព្យាយាមឃាត់ខ្លួនឈ្មោះ អុំ ស៊ីណា តាមការចង្អុលបង្ហាញរបស់ជនសង្ស័យទាំង២ នាក់នោះ ប៉ុន្តែឪពុកក្មេក ឈ្មោះ ឈាម រិទ្ធធឿន បានធ្វើការរារាំងមិនឲ្យសមត្ថកិច្ចឃាត់ខ្លួន កូនប្រសារឈ្មោះ អុំ ស៊ីណា នោះឡើយ។ ដូចបានជម្រាបជូនខាងលើ សូមសាធារណជនមេត្តាជ្រាប ដើម្បីកុំឲ្យមានការភ័នច្រឡំ៕

LEAVE A REPLY

Please enter your comment!
Please enter your name here